آئی سی سی ویمنز کرکٹ ورلڈ کپ میں ڈی ایل ایس قانون کے تحت جنوبی افریقہ نے پاکستان کو ہرا دیا۔ قومی ٹیم سیمی فائنل کی دوڑ سے باہر ہوگئی۔
کولمبو میں بارش سے متاثرہ میچ میں جنوبی افریقہ نے 40 اوورز میں 9 وکٹوں پر 312 رنز بنائے۔ پاکستان کو نظرثانی شدہ ہدف میں 20 اوورز میں 234 رنز درکار تھے
قومی ویمنز ٹیم 20 اوورز میں 7 وکٹوں پر صرف 83 رنز بنا سکی۔ فاطمہ ثنا نے ٹاس جیت کر جنوبی افریقہ کو پہلے بیٹنگ کی دعوت دی ۔
تیزمین برٹس بغیر کوئی رن بنائے فاطمہ ثنا کا شکار بنیں۔ لارا وولوارٹ 90 رنز کی شاندار اننگز کھیل کر آؤٹ ہوئیں۔۔ سونی لیز نے 61 رنز کی عمدہ اننگز کھیلی۔
ماریزان کیپ 68 رنز ناٹ آؤٹ، نادین ڈی کلیرک 16 گیندوں پر 41 رنز بنا کر نمایاں رہیں۔ پاکستان کی جانب سے نشرہ سندھو اور سعدیہ اقبال نے تین تین وکٹیں حاصل کیں۔
پاکستانی بیٹنگ میں سدرہ نواز 22 رنز کے ساتھ ناٹ آؤٹ رہیں۔ جبکہ ماریزان کیپ نے 20 رنز کے عوض 3 وکٹیں حاصل کیں۔ اس شکست کے بعد پاکستان ویمنز کرکٹ ٹیم آئی سی سی ویمنز کرکٹ ورلڈ کپ کی سیمی فائنل دوڑ سے باہر ہوگئی ہے۔
قبل ازیں جنوبی افریقہ ویمنز نے 40 اوورز میں 9 وکٹوں کے نقصان پر 312 رنز بنائے۔ بارش کے باعث میچ 40-40 اوورز تک محدود کیا گیاتھا۔
پاکستان اور جنوبی افریقہ کے درمیان جاری میچ شدید بارش کے باعث روک دیا گیا تھا۔
پاکستان ٹیم کا ایونٹ میں اب تک کا سفر کافی چیلنجنگ رہا۔ پانچ میچز کھیلنے کے بعد ٹیم کے پاس صرف 2 پوائنٹس ہیں،جن میں سے ایک پوائنٹ بارش کی وجہ سے ملے گا۔
