حافظ آباد () تھانہ سکھیکی پولیس کی سکول کے اندر فحاشی کے اڈے پر کامیاب کارروائی، 2 خواتین اور 2 مرد گرفتار. ڈی پی او حافظ آباد عاطف نذیر کی ہدایت پر سماجی برائیوں کے خاتمے اور فحاشی کے اڈوں کے خلاف کریک ڈاؤن جاری ہے۔ اسی سلسلے میں تھانہ سکھیکی منڈی پولیس نے چوکی سکھیکی کی حدود میں واقع گورنمنٹ ایلیمنٹری بوائز سکول سکھیکی میں خفیہ اطلاع پر کامیاب کارروائی کرتے ہوئے 2 مرد اور 2 خواتین کو رنگے ہاتھوں گرفتار کر لیا جبکہ 2 افراد موقع سے فرار ہونے میں کامیاب ہو گئے۔
ابتدائی تفتیش کے مطابق سکول کا چوکیدار ملازم حسین فحاشی کے لیے جگہ اور سہولت فراہم کرتا تھا اور اس کے عوض رقم وصول کرتا تھا۔ پولیس ٹیم کے پہنچنے پر متعدد افراد فرار ہو گئے تاہم ملزم عمران اور کاشف سمیت دو خواتین کو گرفتار کر لیا گیا۔ملزمان کے خلاف تھانہ سکھیکی میں مقدمہ درج کر لیا گیا ہے جبکہ مفرور افراد کی گرفتاری کے لیے چھاپے مارے جا رہے ہیں۔ ڈی پی او حافظ آباد عاطف نذیر نے کہا کہ ضلع بھر میں غیر اخلاقی سرگرمیوں میں ملوث عناصر کے خلاف زیرو ٹالرنس پالیسی اپنائی گئی ہے۔ ایسے تمام عناصر کو قانون کے مطابق سخت کارروائی کا سامنا کرنا پڑے گا۔
ترجمان پولیس حافظ آباد
