ڈی پی او ساہیوال عثمان ٹیپو کا بڑا فیصلہ انصاف میں تاخیر اور FIR کے لیٹ اندراج پر ایس ایچ او تھانہ کسووال معطل، فوری انصاف کی ہدایتڈسٹرکٹ پولیس آفیسر (ڈی پی او) ساہیوال، عثمان ٹیپو نے انصاف کی فراہمی میں رکاوٹ اور ایف آئی آر کے تاخیر سے اندراج پر اہم کارروائی کرتے ہوئے تھانہ کسووال کے ایس ایچ او کو عہدے سے ہٹا کر اے ایس آئی کے عہدے پر تعینات کر دیا ہے۔
ڈی پی او عثمان ٹیپور نے تمام تھانوں کے ایس ایچ اوز کو ہدایت کی ہے کہ وہ عوامی شکایات پر فوری کارروائی یقینی بنائیں اور سائلین کو بروقت انصاف فراہم کریں۔ انہوں نے واضح کیا کہ انصاف میں کسی بھی قسم کی تاخیر یا کوتاہی ہرگز برداشت نہیں کی جائے گی، اور اس حوالے سے ذمہ دار افسران کے خلاف سخت محکمانہ کارروائی عمل میں لائی جائے گی۔ڈی پی او ساہیوال نے کہا کہ عوام کے جان و مال کا تحفظ پنجاب پولیس کی اولین ترجیح ہے، اور پولیس افسران کو اپنے فرائض ایمانداری، لگن اور دیانتداری کے ساتھ انجام دینے چاہئیں تاکہ عوام کا پولیس پر اعتماد مزید مضبوط ہو۔
