نیتن یاہو نے کرپشن چھپانے کیلئے غزہ کو کھنڈر بنا دیا، کیسز میں معافی کی درخواست دیدی
اسرائیلی وزیراعظم ن کی صیہونی صدر سے کی گئی درخواست میں بھانڈا پھوٹ گیا،رائٹرز کی رپورٹ میں خط کا انکشاف
-
ویب ڈیسک -
November 30, 2025
نیتن یاہو نے کرپشن چھپانے کےلئے غزہ کو کھنڈر بنا دیا۔ صیہونی وزیر اعظم دراصل غزہ میں بربریت کا بازار گرم کرکے اپنی کرپشن سے توجہ ہٹانے کی کوشش کررہے ہیں ۔
اسرائیلی وزیراعظم ن کی صیہونی صدر سے کی گئی درخواست میں بھانڈا پھوٹ گیا۔ نیتن یاہو نے برسوں سے ان کے خلاف چلنے والے کرپشن کیسزمیں معافی طلب کی ہے ۔
یہ انکشاف رائٹرز کی رپورٹ میں سامنے آیا ہے ۔جس میں نیتن یاہو نے مؤقف اپنایا ہے کہ کیس کی فوجداری ٹرائل کی وجہ سے ان کی انتظامی صلاحیت متاثر ہو رہی ہے ۔
انہوں نے درخواست کی ان کی کرپشن کیسز میں معافی اسرائیل کے لیے اچھی ثابت ہوگی۔ اس سلسلے میں نیتن یاہو نے اسرائیلی صدر کا خط لکھ دیا ہے ۔
اسرائیل کی حکمران جماعت نے بھی تصدیق کی ہے کہ نیتن یاہو نے صدر سے کرپشن کیسزمیں معافی کی درخواست بھیج دی ہے ۔
ادھر اسرائیلی صدر کے دفتر نے بیان میں نیتن یاہو کی درخواست کو غیرمعمولی قرار دیدیا گیا ہے۔
واضح رہے کہ صیہونی قصائی نیتن یاہو پر رشوت، فراڈ اور غبن سمیت سنگین نوعیت کے الزامات ہیں ۔
اپنے خلاف کرپشن کیسز سے توجہ ہٹانے کے لئے نیتن یاہو اور ان کی حکومت نے غزہ کے امن کو تختہ مشق بنا رکھاہے۔
