مرینہ خان کس بیماری میں مبتلا رہیں ؟ ، اداکارہ نے راز سے پردہ اٹھا دیا
اداکارہ نے ایک ٹی وی شو میں بتادیا کہ کیریئر کے عروج پر انہیں کس قسم کے نہایت خوفناک طبی مسئلے کا سامنا کرنا پڑا
-
ویب ڈیسک -
November 30, 2025
مرینہ خان کس بیماری میں مبتلا رہیں ؟ ، اداکارہ نے راز سے پردہ اٹھا دیا۔ جس پرشوبز انڈسٹری اوران کے مداح حیران رہ گئے۔
اداکارہ نے اپنے ایک ٹی وی انٹرویو میں صحت سے متعلق بڑا انکشاف کردیا۔ وہ اپنی سالگرہ کے حوالے سے ایک خصوصی ٹی وی شو میں شریک تھیں۔
شو میں مرینہ خان نے بتایا کہ کیریئر کے عروج پر انہیں ایک نہایت خوفناک طبی مسئلے کا سامنا کرنا پڑا تھا۔
اپنے انٹرویو میں انہوں نے اپنے ڈراموں ’’ تنہائیاں‘‘ اور ’’دھوپ کنارے‘‘ کا زمانہ یاد کیا۔ اداکارہ نے بتایا کہ مجھے فیشل پیرالائز (یعنی چہرے کا فالج) تشخیص ہوا تھاجس کے باعث چہرے کا ایک حصہ ڈھلک گیا تھا۔
مرینہ خان نے کہاکہ خاندان کی ایک شادی میں مجھے میرے بھائی کے سسر نے مشورہ دیا کہ میں اسٹیج کے قریب کھڑی نہ ہوں، ورنہ دلہا سمجھے گا کہ میں اسے آنکھ مار رہی ہوں۔
اداکارہ نے کہاکہ کیونکہ میرے چہرے کا ایک حصہ ڈھلکا ہوا تھا اور اس جانب کی آنکھ پوری طرح بند نہیں ہوتی تھی۔
واضح رہے کہ بعدازاں مرینہ خان مکمل طور پر صحت یاب ہو گئیں۔ اداکارہ ہونے کے باوجود انہوں نے اس حالت کو کبھی اپنی عدم اعتماد کی وجہ نہیں بننے دیا۔
