متنازع ترین نائب امریکی صدر 84 سال کی عمر میں انتقال کرگئے ۔ ان کو نمونیا کے سبب صحت کے شدید مسائل کا سامنا تھا۔
وہ گھر پر بھی ہی زیر علاج تھے مگر جانبر نہ ہوسکے ۔ امراض قلب سمیت عمر رسیدگی سے جڑی دیگر بیماریوں کا شکار بھی تھے اور کافی کمزور ہوگئے تھے۔
وہ 2001 سے 2009 تک جارج ڈبلیو بش کے دونوں ادوارِ صدارت میں نائب صدر کی خدمات انجام دیں۔ علاوہ ازیں وہ صدر جیرالڈ فورڈ کے وائٹ ہاؤس کے چیف آف اسٹاف بھی رہے۔
نائب صدارت کے دوران انھوں نے 11 ستمبر کے حملوں کے بعد امریکی خارجہ پالیسی اور انسدادِ دہشت گردی کے اقدامات میں نمایاں کردار ادا کیا۔
سابق نائب امریکی صدر ڈک چینی 30 جنوری 1941 کو نیبراسکا میں پیدا ہوئے ۔ وہ وائیومنگ سے امریکی کانگریس کے رکن بھی منتخب ہوئے۔
1989 سے 1993 تک وزیر دفاع بھی رہے اور اس دور میں خلیجی جنگ کے فیصلے شامل تھے۔
انھوں نے انتظامیہ کے اہم فیصلوں میں براہِ راست مداخلت کی اور روایتی نائب صدور سے آگے کا کردار ادا کیا۔
تاہم ان پر امریکا کے عراق پر حملے کی وکالت اور جاسوسی کی حمایت کرنے پر شدید تنقید بھی ہوئی تھی۔
