سعودی عرب سے افسوسناک خبر سامنے آ گئی
لیفٹیننٹ جنرل سعید القحطانی نے کنگ فہد سکیورٹی کالج سے تعلیم حاصل کی
-
ویب ڈیسک -
January 9, 2026
سعودی عرب کی وزارت داخلہ کے سینئر ترین افسر اور اسسٹنٹ وزیر داخلہ برائے آپریشنز امور لیفٹیننٹ جنرل سعید بن عبداللہ القحطانی انتقال کر گئے۔
ان کے انتقال کی تصدیق سعودی وزارت داخلہ نے سماجی رابطے کی ویب سائٹ ایکس پر جاری ایک باضابطہ بیان کے ذریعے کی۔
وزارتِ داخلہ نے مرحوم کی وفات پر ان کے اہلِ خانہ اور عزیز و اقارب سے دلی تعزیت اور ہمدردی کا اظہار کرتے ہوئے کہا کہ لیفٹیننٹ جنرل سعید القحطانی کی خدمات کو ہمیشہ یاد رکھا جائے گا۔
سعودی وزیر داخلہ شہزادہ عبدالعزیز بن سعود بن نائف نے بھی گہرے رنج و غم کا اظہار کرتے ہوئے کہا کہ مرحوم نے تقریباً چھ دہائیوں تک وزارتِ داخلہ میں نہایت پیشہ ورانہ اور مثالی انداز میں ذمہ داریاں نبھائیں۔
لیفٹیننٹ جنرل سعید القحطانی نے کنگ فہد سکیورٹی کالج سے تعلیم حاصل کی اور اپنے طویل کیریئر کے دوران مختلف اہم اور حساس عہدوں پر فائز رہتے ہوئے مملکت کی داخلی سلامتی کے نظام کو مضبوط بنانے میں نمایاں کردار ادا کیا۔
ان کی وفات کو سعودی سیکیورٹی اداروں کیلئے ایک ناقابلِ تلافی نقصان قرار دیا جا رہا ہے۔
