رواں مالی سال کی پہلی ششماہی کے دوران ملکی تجارت کو بڑا دھچکا
سرکاری دستاویز کے مطابق 6 ماہ کے دوران پاکستان کے بڑے شعبوں کی برآمدات گرگئیں
-
عمر حیات خان -
January 18, 2026
رواں مالی سال کی پہلی ششماہی کے دوران ملکی تجارت کو بڑا دھچکا لگ گیا۔
سرکاری دستاویز کے مطابق 6 ماہ کے دوران پاکستان کے بڑے شعبوں کی برآمدات گرگئیں، جبکہ جولائی تا دسمبر غذائی اجناس کی برآمدات میں 40.29 فیصد تک کمی ریکارڈ ہوئی ہے۔
دستاویز میں بتایا گیا کہ پہلی ششماہی میں غذائی اجناس کی برآمدات کا حجم 2 ارب 36 کروڑ ڈالر ریکارڈ ہوئی، جبکہ گزشتہ مالی سال کی پہلی ششماہی میں حجم تقریبا 4 ارب ڈالرتھا۔
یہ بھی پڑھیں: وزارت خزانہ کی ماہانہ اکنامک اپ ڈیٹ: مہنگائی میں اضافہ، سرمایہ کاری اور برآمدات پر اثرات
سرکاری دستاویز کے مطابق 6 ماہ کے دوران چاول کی برآمدات میں 49.90 فیصد، جولائی تا دسمبر سبزیوں کی برآمدات میں 36.80 فیصد، جبکہ مقامی خشک میوہ کی جات کی برآمدات میں 63.78 فیصد تک کمی ہوگئی۔
اسی طرح جولائی تا دسمبر ٹیکسٹائل برآمدات میں 0.90 فیصد کا معمولی اضافہ ہوا، پہلی ششماہی میں ٹیکسٹائل برآمدات کا حجم 9 ارب 16 کروڑ ڈالر ریکارڈ ہوا۔
دستاویز کے مطابق جولائی تا دسمبر ملکی پلاسٹک کے سامان کی برآمدات میں 43.66 فیصد کمی ہوئی، اسی طرح پہلی ششماہی میں فارما سیوٹیکل کی برآمدات میں 28.67 فیصد کمی ریکارڈ ہوئی ہے، جبکہ جولائی تا دسمبر ٹرانسپورٹ سامان کی برآمدات میں 36.51 فیصد کمی ریکارڈ ہوئی ہے۔
