برطانوی وزیر اعظم کا لبنان میں فوری جنگ بندی کا مطالبہ
آبنائے ہرمز کو دوبارہ کھولنے کے لیے ابھی بہت کام باقی ہے، کیئر اسٹارمر
-
ویب ڈیسک -
April 13, 2026
لندن: برطانوی وزیراعظم کیئر اسٹارمر نے لبنان پر جاری اسرائیلی بمباری کو افسوسناک قرار دیتے ہوئے فوری جنگ بندی کا مطالبہ کردیا ہے۔
برطانوی وزیراعظم کا کہنا تھا کہ اسرائیلی حملے انسانی بحران پیدا کررہے ہیں اور لبنان کو بڑے بحران کی طرف دھکیل رہے ہیں۔
انہوں نے مزید کہا کہ امریکا اور ایران کے درمیان جنگ بندی انتہائی ضروری تھی تاہم آبنائے ہرمز کو دوبارہ کھولنے کے لیے ابھی بہت کام باقی ہے۔
انہوں نے تسلیم کیا کہ جاری جنگ میں خلیجی ممالک کو سب سے زیادہ نقصان اٹھانا پڑا ہے۔ برطانیہ اپنے شراکت داروں کے ساتھ مل کر بحری راستوں کے تحفظ کے لیے کردار ادا کرے گا۔
انہوں نے اعلان کیا کہ اس ہفتے جہازرانی کے تحفظ اور نیوی گیشن کی آزادی کے لیے ایک سربراہی اجلاس بلایا جائے گا جو فرانس کے ساتھ مشترکہ طور پر منعقد ہوگا۔
