سندھ سولر منصوبوں میں اربوں روپے کی مبینہ کرپشن، نیب کو اہم شواہد مل گئے
کیس میں مزید اہم شخصیات کے ملوث ہونے کے شواہد سامنے آرہے ہیں
-
ذوالقرنین اقبال -
April 14, 2026
سندھ سولر منصوبوں میں اربوں روپے کی مبینہ کرپشن کے اہم شواہد نیب کو مل گئے جس کے مطابق منصوبے میں 17 سے زائد جعلی امپورٹ ڈیکلیریشن دیئے گئے جعلی درآمدی دستاویزات اور اوور انوائسنگ سے خزانے کو نقصان پہنچایا گیا۔
نیب ذرائع کے مطابق نیب نے سندھ سولر انرجی پروجیکٹ کے ذمہ داران کو طلب کر لیا ہے جبکہ کیس میں مزید اہم شخصیات کے ملوث ہونے کے شواہد سامنے آرہے ہیں۔
نیب ذرائع نے بتایا کہ جعلسازی کے ذریعے اربوں روپے بیرون ملک منتقل کیے گئے دبئی میں منتقل کیے گئے پیسے سے قیمتی جائیدادیں خریدی گئیں۔
ذرائع کا کہنا ہے کہ تحقیقات کا دائرہ وسیع کیا جا رہا ہے کیس میں کچھ گرفتاریوں کا امکان بھی موجود ہے منصوبے میں پانچ ارب روپے سے زائد کی کرپشن ہوئی جبکہ ایک چینی کمپنی کو غیر قانونی ادائیگیاں بھی کی گئیں۔
