ٹی ٹوئنٹی سیریز کھیلنے کیلیے آسٹریلوی ٹیم 28 جنوری کو پاکستان پہنچے گی، پی سی بی
سیریز کا آغاز 29 جنوری سے ہوگا، جبکہ دیگر میچز 31 جنوری اور یکم فروری کو کھیلے جائیں گے
-
ویب ڈیسک -
January 14, 2026
لاہور: پاکستان کرکٹ بورڈ (پی سی بی) نے تصدیق کی ہے کہ آسٹریلوی کرکٹ ٹیم جنوری کے آخر میں پاکستان کا دورہ کرے گی۔
پی سی بی کے مطابق اپنے دورے کے دوران آسٹریلوی ٹیم تین ٹی ٹوئنٹی میچز کھیلے گی، جن کا انعقاد قذافی اسٹیڈیم لاہور میں کیا جائے گا۔
شیڈول کے مطابق سیریز کا آغاز 29 جنوری سے ہوگا، جبکہ دیگر میچز 31 جنوری اور یکم فروری کو کھیلے جائیں گے۔
حکام کے مطابق آسٹریلوی اسکواڈ بدھ 28 جنوری کو لاہور پہنچے گا۔ تینوں میچز میں ٹاس شام 5:30 بجے پاکستانی وقت کے مطابق ہوگا اور پہلی گیند شام 6 بجے کرائی جائے گی۔
مزید پڑھیں: بنگلا دیش کا بھارت میں ٹی ٹوئنٹی ورلڈ کپ کھیلنے سے انکار برقرار
پی سی بی کے مطابق یہ سیریز آئندہ ماہ آئی سی سی مینز ٹی ٹوئنٹی ورلڈ کپ 2026 سے قبل دونوں ٹیموں کے لیے انتہائی اہمیت کی حامل ہے، کیونکہ پاکستان ورلڈ کپ میں گروپ اے جبکہ آسٹریلیا گروپ بی میں شامل ہے۔
یاد رہے کہ یہ آسٹریلیا کا مارچ 2022 کے بعد پاکستان کا تیسرا دورہ ہوگا۔ 2022 میں آسٹریلیا نے پاکستان میں ایک ٹیسٹ، تین ون ڈے اور ایک ٹی ٹوئنٹی میچ کھیلا تھا۔
اسی سال آئی سی سی چیمپئنز ٹرافی کے تین میچز بھی پاکستان میں ہوئے تھے۔ قذافی اسٹیڈیم میں کھیلے گئے واحد ٹی ٹوئنٹی میچ میں آسٹریلیا نے پاکستان کو تین وکٹوں سے شکست دی تھی۔
شیڈول:
پہلا ٹی ٹوئنٹی: جمعرات، 29 جنوری، شام 6 بجے
دوسرا ٹی ٹوئنٹی: ہفتہ، 31 جنوری، شام 6 بجے
تیسرا ٹی ٹوئنٹی: اتوار، 1 فروری، شام 6 بجے
تمام میچز قذافی اسٹیڈیم لاہور میں کھیلے جائیں گے۔
