پاکستان میں سرمایہ کاری کے شاندار مواقع موجود ہیں، سمیر چشتی
ایشیا پاک انویسٹمنٹس کا یہاں موجود ہونا باعثِ فخر ہے، ایگزیکٹیو چیئرمین سمیر چشتی
-
ویب ڈیسک -
January 21, 2026
ایشیا پاک انویسٹمنٹس کے ایگزیکٹو چیئرمین سمیر چشتی نے کہا ہے کہ پاکستان میں سرمایہ کاری کے بے شمار اور پرکشش مواقع موجود ہیں۔
انہوں نے ڈیووس میں قائم پاکستانی پویلین میں بول نیوز سے گفتگو کرتے ہوئے کہا کہ ایشیا پاک انویسٹمنٹس کا یہاں موجود ہونا باعثِ فخر ہے۔
سمیر چشتی کا کہنا تھا کہ ہم دنیا کو یہ بتائیں گے کہ ہم پاکستان کے مستقبل کے حوالے سے اتنے زیادہ پرامید کیوں ہیں، کیونکہ پاکستان میں معاشی ترقی، سرمایہ کاری اور شراکت داری کے وسیع امکانات موجود ہیں۔
واضح رہے کہ سوئٹزرلینڈ کے شہر ڈیووس میں ورلڈ اکنامک فورم (WEF)جاری ہے، جس میں عالمی رہنما، پالیسی ساز، سرمایہ کار اور کاروباری شخصیات شرکت کر رہی ہیں۔
فورم کے دوران معاشی بحالی، ترقی پذیر ممالک میں سرمایہ کاری، ڈیجیٹل معیشت، توانائی کے بحران اور موسمیاتی تبدیلی جیسے اہم موضوعات پر تبادلہ خیال کیا جائے گا۔
