افغان مہاجرین میزبان ممالک کے لیے بڑا سیکیورٹی چیلنج
افغان جریدے افغانستان انٹرنیشنل کی چشم کشا رپورٹ منظر عام پر آگئی
-
سلمان علی اعوان -
January 19, 2026
افغان مہاجرین کے خلاف مختلف ممالک میں گرفتاریوں اور ملک بدری کی کارروائیاں مزید تیز کردی گئی ہیں، جرمنی اور ایران کے بعد ترکیہ میں بھی افغان مہاجرین کے خلاف کریک ڈاؤن میں شدت آگئی جبکہ گرفتاریاں بھی جاری ہیں۔
افغان جریدے افغانستان انٹرنیشنل کی چشم کشا رپورٹ منظر عام پر آگئی، جس کے مطابق ترکیہ کے شہر شانلی عرفا میں 14 مزید غیر قانونی افغان پناہ گزین گرفتار کرلیے گئے ہیں۔
رپورٹ میں بتایا گیا ہے کہ غیر قانونی افغان مہاجرین کی نقل و حمل میں ملوث تین سہولت کار بھی گرفتار کیے گئے، جن کو جیل منتقل کردیا گیا ہے، گرفتار افغان پناہ گزین ٹرک میں چھپ کر غیر قانونی سفر کر رہے تھے، جن کو فوری طور پر ڈیپورٹیشن سینٹر منتقل کر دیا گیا۔
قبل ازیں 3 جنوری کو دیاربکر سے 32 غیر قانونی افغان پناہ گزین جبکہ 10 جنوری کو توکات اور بولو سے مزید 18 گرفتار کیے گئے۔
دوسری جانب ترکیہ مائیگریشن ایجنسی نے بھی تازہ اعداد و شمار جاری کردیے، افغانی غیر قانونی مہاجرین کی فہرست میں پہلے نمبر پر آگئی۔
گزشتہ ایک سال میں 1 لاکھ 52 ہزار غیر قانونی پناہ گزین گرفتار،افغان باشندے سر فہرست، گرفتار غیر قانونی پناہ گزینوں میں 42 ہزار افغان باشندے ہیں۔
تاہم، طالبان رجیم اس قسم کے رویوں کو روکنے کی کوئی مہم نہیں چلا رہی جس سے یہ واضح ہے کہ اس صورتحال میں بہتری کی کوئی امید نہیں۔
