چکوال ( ) تھانہ CCD چکوال نے غیر قانونی بلیو ورلڈ سٹی کے مالکان کے اہم مہرے کو زخمی حالت میں گرفتار کر لیا
گرفتار ملزم کی شناخت محمد فیاض عرف بابو لوہار محلہ حیات آباد کندیاں کے نام سے ہوئی ہے
بابو لوہار چکری چونترہ میں قائم غیر قانونی بلیو ورلڈ سٹی مالکان کو پنجاب بھر سے بے روز گار، مجبور، غریب نوجوانوں کی کھیپ لاکر بغرض نوکری “سکیورٹی گارڈ” مہیا کرتا تھا جنہیں بعد ازاں اسلحہ تھما کر زمینوں پر ناجائز قبضوں و پولیس پر فائرنگ کےلیے استعمال کیا جاتا تھا
ان میں سے متعدد نوجوانوں بشمول میانوالی کے دو غریب نوجوان حافظ ظفر اور حافظ امجد نے جب اس جرم کی دنیا سے آزادی چاہی تو بابو لوہار نے اپنے مالکان کے کہنے پر انہیں موت کے گھاٹ اتار کر اجتماعی قبروں میں دفن کر دیا
بابو لوہار چکری چونترہ میں راولپنڈی پولیس کی وردی پہن کر نہ صرف مخالفین کے ڈیروں پر ریڈ کرتا رھا بلکہ انسانوں کو موت کے گھاٹ بھی اتارتا رہا
چکوال سی سی ڈی کے مطابق بابو لوہار اور اس کے ساتھی ارسلان عرف ڈھانچی کا ڈھوک محمد خان موڑ پر پولیس سے آمنا سامنا ہوا جہاں یہ دو کس بغرض ڈکیتی بیٹھے تھے
دونوں ملزمان نے پولیس پر فائرنگ کی اور جوابی فائرنگ سے اندھیرے میں بچ نکلنے میں کامیاب
بعد ازاں دوران سرچ آپریشن بابو لوہار زخمی حالت میں پولیس کو مل گیا جس کے قبضے سے اسلحہ برآمد ہوا
